شحصلت اني....؟

زائر

هذه احاسيس ابن الجنوب اضعها بين ايدي القراء
وانها تعبر عن واقع حال عاشها هذا الشخص واليكم ما قال
شحصلت اني
بعد ما حاجه يذبح بينه الافغاني && ولا عبوه بدرب يزرعلي جيراني
ولا يدخل يهودي ولا امريكاني && احنه اخوان واحد يذبح الثاني
بير التفرقه حفرته الامريكان && ادري وما طحت بس هو جراني
سبع سنين يذبح وانه راسي بجيس && وبجنطه الجسد وبجنطه ذرعاني
جبت عمرك حكم بسك بعد شتريد && تظل ابن القصر وابن الكصب اني
وتظل انت العجل وانه اليول للموت && واظل بلا اظافر وانت سجاني
وتظل البصره عاكر وام ولد تكريت && وتظل تنكل حطب لديالى ميساني
وتظل ويا العرب واخواني ذوله دكول && ويسئلونك علي ودكلهم ايراني
شوف اخوانك بيه شيسون && وشوف شلون اخوك يرجع الثاني
يشوف اختي بعبوته مكّشفه على الكٌاع && يتفرج عليها القاصي والداني
وانه لكل عربيه تكشفت هديت && اغطيها بقميصي والبس الثاني
من هدو عليك وطبوا لعمان && ما كالتلك اختك هذا غطاني
وانه لو ما شريف اليوم اطب ردود && وانزعهن وأكّلها ذني قمصاني
لأمريكه شلع كلكم حنيتو الراس && وعزلتوا رواحكم وتعيرت اني
انه صح دنكّت كّدام الامريكان && بس دنكت شديت قيطاني
ولأن شيعي الحكم ادفع ضريبه تريد && وانه شحصلت والشيعي شنطاني
انكسر كلبه على كوخي وكّال هدمه اليوم && وابنيلك قصر وتسكنه بس تاني
بس تاني
بس تاني
ومتاني صار سبع سنين && وانت من القصر طابوكه ما باني
حتى المتاني ملت من المتاناه && واذا اكّلها تاني تكّلي ما تاني
بعد ما انتخب لا والله والعباس && لو كتبوا اسمي بايات قراّني
بيت الطين يرجف وهمَ عركانين && وصورهم لزكّوهه بطين حيطاني
وشعارات على بيتي ويدكّله طول قماش && وانه بحاجة كّماط يغطي رضعاني
رد لفندقك والجبته اخذه وياك && ما اريد القصر ردني على بنياني
ما اريد القصر ردني على بنياني

عااااااااااااااااااااااااااااااااااااااااااش احساك وميض ويظل على الراااااااااس العراقي ويظل مهيوب ويظل فخر وماكو رفق بين شيعي وسني ولا جنوبي وشمالي احنه اخوه ويلمنه بلد واحد هو العراااااااااااق ربي يحفظ البلد والي بي تحياااااااااااااااتي الك ولكل اخواني واخواتي...تقبل مروري

عدد المساهمات : 113 تاريخ التسجيل : 30/12/2009

مدري الوطن حزنان مدري الدنيه حزنانه
اشو ماشاف العراق الخير من ذوله جيرانه
كلها تريد منه ومحد انطاه ولا فد يوم صاح شكثر عانه
كضينه العمر وياه كله حروب الشعب ضمه ابكلبه وهو شريانه
اريد احجي واحاجي الكون بغداد الجميله الورده ذبلانه
هانت ياوطن يابو النهرين تصفه وترد افراح دنيانه
افرج ياوطن وشبع مسرات تظل تاج العرب وانت سلطانه

شكرا للعزيز وميض ماذكره من معاناة ابن الجنوب
نور الورد

زائر

في باديء الامر احب ان اوضح ان هذا الشعر ليس. لي فقط قمت بحذف واضافة بعض
الابيات. الا انه لايعارض ما احسه بشكل خاص كوني من الجنوب ولا يعارض ما يعانيه ابناء الجنوب بصوره عامه
كما احب ان اوضح انه ما يعانيه ابن الجنوب الان هو ما يعانيه ابناء الشعب العراقي ككل
وخاصتا الطبقه الفقيره . وبهذا انا لا استثني شيعي من سني او شمالي من جنوبي وهذا للتوضيح ليس الا

اشكر الاخت العزيزه سومه على احساسها بمعانات غيرها واتمنى لها الموفقيه والنجاح والتألق
في كافة ميادين حياتها

واشكر العزيزه نور الورد لحسها الوطني ودفء مشاعرها التي تغمر الكل
وانشاء الله العراق يبقى دائما تاج على الراس بهمة ابنائه
وادعو من الله العزيز اين يطهر قلوب كل العراقين ويبعد عن قلوبهم
الحقد والضغينه
امنياتي لك بالصحه والسعاده الدائمه

وميض العراقي

زائر

شكرا