مقرنة بين عمرو دياب وتامر حسني .من حيث الجمال والغناء الرجاء المشاركة

دي مقارنة عملتها احد المجلات المتخصصه في الفن في مصر انا نقلتلكم الكلام بالعامية المصريه

ابدأ بموضوع الاصل نلاقي ان الكنج ابن الاصول اللي والده عمده في الشرقية و غني في الاصل و تامر ابن الهرم اللي انا منوا بس هو ابن حارس عقار يبقى مين عندوا اصل و مين مافيش

نروح لنقطة التاريخ الفني نلاقي ان عمرو دياب بدا سنه 1985 و كان هناك في الوقت ده جورجح و فؤاد و منير و راغب بس عمرو بادائه و بأغانية وصل للقمة و ساب كل دول وراه و بفرق كبير و ظهرت ناس كتير زي ايهاب و مصطفى قمر بس عمرو دياب برضو سابهم وراه و كمل هو للقمة اما الشاب تامر اللي بدأ من حوالي 4 او 5 سنين وصل للي هو فيه ده بشتايم الفنانين الكبار زي عمرو و حماقي اللي هما اصلا عماموا و طبعا موضوع الحبس بتاع التزوير ده قلل من معجبينوا و زود من حريموا

نروح لموضوع تاني هو هو الشتايم برضوا يوم حفله منير اللي في الاوبيرا طبعا لقينا مين طالع علينا الشاب تامر طبعا شتمناه و هزقناه طبعا اقمص ياختي عليه و زعل و لما طلع لقيناه بيقول للصحافه ان اللي ورى كل ده عمرو دياب و ان هو اللي مأجر الناس دي على شان يشتموه طب يا اخ تامر عمرو دياب هيعرف منين ان حضرتك هتشرف الحفله بتاعت منير على شان يأجرلك ناس و غير كده عمرو دياب كان في امريكا بيصور الكليب بتاع نقول ايه اللي انت عمرك ماهتروحها

اما بخصوص الايرادات و الرشاوي فتامر استاذ في الموضوع ده بدليل ان في مجله الاذاعه و التليفزيون عاملين مسابقه طالع فيها تامر الاول في الايرادات و ده طبعا بالرشاوي و مطلعين الكنج رقم 4 في نفس الوقت اللي عمرو دياب خد فيه جايزة الميوزك اوورد العالمية لأعلى مابيعات يبقى ازاي يا اخ تامر انت اعلى مابيعات من عمرو في سنه 2007 و انت مانزلتش البوم من اساسوا

نروح لموضوع التقليد نلاقي ان عمرو دياب حد بيصنع الموضه مش بيقلد و خلاص لو رجعنا لكليب انا عايش نلاقي الناس كانت هتتجنن على الجونتي اللي كان لابسه و فضلت تدور عليه اكتر من سنه و في الاخر نلاقي نجم كبير زي هاني شاكر لابسه في احد الكليبات بتاعته و لما نبص للبلوفر اللي كان لابسه في تملي معاك نلاقي برضوا الناس هتتجنن علية و دورت علية اكتر من سنتين و نروح لكليب ليلي نهاري نلاقي ان كل الناس قلدتوا في موضوع رفع التي شيرت فوق توكة الحزام و اولهم تامر و ايهاب و حماقي لكن هتن حاجه لبسها تامر الناس لبستها او فكرت تدور عليها

نروح لموضوع الاغاني و الرومانسيه تلاقي بنت بتقولك تامر احساسوا و كليماتوا احسن من عمرو طب يا ستي خدي الأغاني دي عندك و قارنيها بكل اغاني تامر افندي صاحب الاحساس و الكليمات و الاحساس المرهب عندك تملي معاك و عودوني و وحشتيني و قصاد عيني و حكايات و خليك معاية و وماله كفاية دول على شان ما تتشليش و قارنيهم بتامر و ردي عليا

نروح لموضوع قوة الصوت طبعا نلاقي الكنج في المقدمه لدرجه انوا هو اللي بيعمل صوت الكورال بنفسوا حتى في الحفلات و ده طبعا امر عظيم ماحدش يعرف يعملوا دلوقتي خالص من جيلوا لكن في الجيل الجديد مافيش غير حماقي اللي انا بعتبروا خليفه عمرو دياب

نروح لموضوع الحفلات نلاقي مافيش غير عمرو دياب اللي بيطلبوا رئيس الجمهوريه يغني في حفلات عيد الطيران و القوات المسلحه اما بخصوص الحفلات العاديه نلاقي ان عمرو دياب بيطلب في كل المهرجانات اللي في الوطن العربي و بخصوص المهرجانات هات مطرب غنى في مهرجان جرش 3 ايام ورى بعض و كل يوم كومبليت و ده دليل على قوة صوتوا و حب الناس ليه

و في النهاية انا بقول لسه بتسمعوا تامر

عدد المساهمات : 54 تاريخ التسجيل : 30/06/2009

مافيش وجه مقارنه بين تامر والكينج الاول عموووور ده احنا نظلم عموووور والله

يسلمووووو ياباشا

انا اكتر انسان بكره تامر حسنك
انسان..... بجد وانا بحب عمرو وبسمعله بس الكينج هو منير من وجهه نظري وعمرو هضبه ومنير او عمرو فيش بينهم مقارنه عشان كل واحد بيغني باسلوب ومن ناحيه مختلفه
نرجع لل..... تامر
اولا مينفعش مينفعش تحط اسم عمرو جمب ال ........ تامر
ثانيا المقارنه مش عجبتني عشان مكنتش مقارنه موضوعيه كان الانحياز لعمرو ( مع انه حقك ) بس عشان ميجيش عيل ....... من اللي بيسمعوه يقولك انتا مش نصفته
ثالثا: حوار الاصل في من العيب اننا نغلط في الاهل مع ان في مثل بيقول اعيل الوسخ بيجيب لاهله النعيله
رابعا: تامر كداب واغانه ااني مراهقين ومزور وشاب تافهه مافيش في دماغه غير السهوكه عشان كده تلاقي اغلب جمهوره من البنات بس طبعا البنات اللي بتحبه احنا مش نستنضف اننا نعرفهم عشان اكيد تافيين زيه
خامسا : حكايه الموضه دي بالذات مع اني مش حابب اتكلم في حاجه عبيطه زي دي بس عمرو دياب بيقلد كمان ناس من بره زي انريكي وريكي مارتن
وحكايه الاوسع شهره طبعا عمرو بلا منافس اللي تعب في تاريخه عشان يبقي عمرو دياب ... 27 البوم كفيل انها تبني هضبه زي عمرو بس مش وصلها غير بالتعب واستعمال الذكاء وهنا افرق بين الذكاء والنصب
عشان تامر حسني مقضيها نصب
كمان بياجر ناس في الحفلات والبنات اللي بتحضنوه دي بنات متاجره
وكمان بيسرق اغاني كتير يعني في اغنيه ليه فهمي مش عارف ايه نظمي سارقها وانا سمعت الاصل بتاعها في جروب كارهي تامر حسني
وكمان انا اتعاملت مع تامر وشوفته واعرف ناس بتحبه اوي بس طبعا اتعملت معاه في حوار شغل
وعرفت انه بيسرب اغاني ليه عشان يكون ليه وجود طول الوقت ويطلع في التي في يفضل يتسهوك ويمص في شفايفه
يابني تامر ده لو راح الصعيد بحركاته دي ممكن يغتصبوه
في النهايه مش ينفع نجيب بدوي ( تامر ) مع الهضبه في اي موضوع عشان بجد لما بنذكره بنعمله قيمه هو اقل منها كتييييييييييييييييييييييييير
وعلي فكره راي في كليب عمرو الجديد الصراحه مش عجبني خالص

زائر

مش عارف ليه ديما ربطين تامر بعمروقلنا 100 مره دا حاجة ودا حاجة ولو هنتكلم فى النجاح لا تعلوا بئى اللى علموا عمرو فى 20 سنه تامر عمله فى 3 سنين وغير كدا مؤلف وملحن وممثل ومغنى بس هى الناس كدا مش عارف الغيره دى سببها ايه وعلى العموم انا برضو بحب عمرو اوى بس ياريت ياجماعه منخلطش الامور ببعضها ولو ح قول راى فدا اسواء موضوع انا قريته من ساعت ما زرت المنتدى وقديم وافر اوى ..... Question

زائر

انت لما تقارن عرمو دياب بتامر حسنى كانك بتقارن بين ابو تريكه و جدو او تريكه عمل حاجات كتير مش ينفع تقارنه بجدو الللى لسه طالع بس جدو عنده موهبه ممكن يجى منه فهمتم بقا مقرنة بين عمرو دياب وتامر حسني .من حيث الجمال والغناء الرجاء المشاركة Icon_rr

» عمرو دياب 2009!!!!
» يا ترى دي صورة عمرو دياب ولا محمد حماقي
» البوم ( وياه ) عمرو دياب - 2009
» عمرو دياب ( أصلها بتفرق ) حصري من ميلودى شات
» عمرو دياب يرفض عرسان ابنته نور ويؤجل الموضوع