اكيد طبعا كلنا معانا موبايلات سواء كنا ولاد ولا بنات
بس طبعا فرق السما من الارض بين الاتنين تعالو نشوف مع بعض كده
موبايل البنت
ا-بالنسبه للنغمات
بطمنك
الليله دى
خليك معايا
قد الحروف
ناس بتعرف تسمع اغانى بجد
اما بالنسبه للخلفيات
دباديب
قلوب
مناظر طبيعيه تفرح
ناس عندها ذوق
اما بالنسبه للرسائل
طبعا كلها رسائل حب
وحاجه كده كلها مشاعر واحاسيس معدومه عند ناس اصحابنا
اما بالنسبه لحاله الموبايل
الموبيل بتاعهم كانه لسه طالع من الكرتونه
نصيحه اللى عاوز يشترى منكم موبيل يدور على واحده بتبيع موبايلها
اما بالنسبه للشباب الله لا يوريكم
بالنسه للنغمات
الدنيا خربانه
المولد
انتى دنيا
الليل والشوارع
يا خاينه
انا شارب سيجاره بنى
وطبعا الشباب بيطبقو حكمه لولا اختلاف الاذواق لبارت الاغانى
ياريتها كانت بارت واستريحنا
طبعا بيحطو مناظر طبيعيه ايشى بركان لسه منفجر
مناظر تسونامى
اشكال تموت من الرعب على اساس ان لما يجى حد يمسك الموبيل يتخض فيسيبه فميلعبش فيه وجهه نظر برده
اما بالنسبه للرسائل
طبعا دى بقى مقدرش اقول فيها حاجه
دي مجرد عينة
اهديك ثلاث وردات ورده مليانه حب وورده مليانه وفا وورده مليانه نحل يقرصك اذا نسيتني!!!
عيونك مثل عيون النسر وصوتك مثل صوت البلبل وجسمك مثل جسم النمر ببساطه انتا اغرب حيوان!!!
تيجي فجأه على بالي اضيع اتشقلب حالي واجري على بصله واقول ريحة الغالي!!!
حبنا مش غلطه انا صقر وانتا بطه انا كتاب وانتا شنطه انا قلب وانتا جلطه!!!
الساعه 4 الفجر تفتح الشباك وتقول بحبك حيرد عليك الصدى ويقلك روح نام يااهبل!!!
انتا الجمال انتا الدلال انتا العشره منك بريال!!!
لو خيروني بين حبك وبين مال قارون هاختار مال قارون اسف الحياه اصل صعبه قوى!!!
اما بالنسبه لحاله الموبيل
فحاجه كده زى متقول دى عدد متجمعه
يعنى الموبيل عباره عن كذا عده فى بعض
وده طبعا من كتر الرمى من اى حته فى اى حته
وهيا تعتبر موبيلات على ما تفرج
اللى عاوز يشترى عده من شاب ميفكرش انها هتقعد معاه اكتر من اسبوع وتبوظ لانها بتبقى متلصمه
الرئيسية
موضوع: الفرق بين موبايل الولد وموبايل البنت 
الخميس 25 يونيو 2009, 1:12 am
